Жорий йилнинг 12 февраль куни “Аlutex” МЧЖ корхонаси жамоа шартномасининг 2017-2019 йиллар учун тузилган жамоа шартномасини                 2018 йилдаги ижроси муҳокамасига бағишланган меҳнат жамоасининг умумий йиғилиш конференцияси бўлиб ўтди.

       Таклиф этилганлар: Ўзбекистон истеъмол товарлари ишлаб чиқариш савдо ва хизмат кўрсатиш ташкилотлари ходимлари касаба уюшмаси Республика Кенгашининг ижтимоий ҳимоя масаласи бўйича бош мутахассиси Р.Мирходжаев, тармоқ касаба уюшмаси Тошкент шаҳри бўйича масъул ташкилотчи Д.Исмоилова, Шайхонтохур туман кенгаши раиси О.Сафоевлар иштирок этишди.

        “Аlutex” МЧЖ корхонасида 195 нафар ходимлар меҳнат қилаётган бўлиб, йиғилишга ҳар бир цех участкасидан делегатлар сайланди ва қатнашди. Йиғилишда иш беруви А.Абидов ва касаба уюшма қўмитаси раиси С.Шокиров ўтган ҳисобот йили давомида ижтимоий шериклик асосида иш берувчи ва касаба уюшма қўмитаси томонидан ходимларнинг ижтимоий-иқтисодий манфаатлари ва меҳнат соҳасидаги ҳуқуқларини ҳимоялаш мақсадида жамоа шартномасида белгиланган тадбирлар юзасидан амалга оширилган ишлар тўғрисида  ҳисобот  бердилар.