Профессионал боксда шу кунгача мағлубият нималигини билмай келаётган спортчимиз Шоҳжаҳон Эргашев ҳозирда юртимизда бўлиб турибди.
Кеча маиший электр жиҳозлари, қурилиш маҳсулотлари ишлаб чиқариш, савдо ва хизмат кўрсатиш ходимлари бирлашган касаба уюшмаси қўмитаси ташаббуси билан “Akfa Group” компаниясига қарашли “WIDE TENT SYSTEM” АЖда машҳур боксчи Шоҳжаҳон Эргашев билан учрашув ташкил этилди.
Енгилмас боксчимиз иштирокида ўтган тадбирда ёшлар ўзларини қизиқтирган саволларга жавоб олди. Хусусан, илк мураббийингиз ким, қайси жанг сиз учун энг оғири бўлган, сизнинг профессионал боксдаги кумирингиз ким, профессионал боксга кириб келишингизга нима сабаб бўлган, каби саволлар тадбирни янада қизиқарли ва мазмунли ўтишига сабаб бўлди.
Эслатиб ўтамиз, Шоҳжаҳон Эргашев шу кунгача профессионал боксда 16 та жанг ўтказиб, уларнинг барчасида ғалаба қозонган.
