Жорий йилнинг 17-ноябрь куни “Енгил саноат технологияси ва дизайн факультетининг 1-Талабалар турар жойида Яккасарой туманидаги Олий таълим муассасалари талабалар турур жойлари ўртасида ўтказилган “Энг яхши талабалар турар жойи” танловида фахрли учинчи ўринни эгаллагани муносабати билан тақдирлаш маросими ташкил қилинди. Тадбирда Ўзбекистон истеъмол товарлари ишлаб чиқариш, савдо ва хизмат кўрсатиш ташкилотлари ходимлари касаба уюшмаси Республика Кенгаши, Яккасарой тумани Хотин-қизлар қўмитаси, туман “Нуроний” жамғармаси, туман Ёшлар иттифоқи вакиллари барча факультетлар декан муовинлари ва талабалар иштирок этишди.
Мазкур тадбирда Ўзбекистон истеъмол товарлари ишлаб чиқариш, савдо ва хизмат кўрсатиш ташкилотлари ходимлари касаба уюшмаси Республика Кенгаши томонидан Тошкент тўқимачилик ва енгил саноати институти талабалар турар жойи учун телевизор совға қилинди.
