Ўзбекистон Касаба уюшмалари Федерацияси Кенгашининг 2019 йил
27 ноябрь кунги 16-50 “с” сонли “Халқаро ногиронлар кунини ўтказишда иштирок этиш тўғрисида”ги Раёсат қарорига асосан 3 декабрь куни Ўзбекистон кўзи ожизлар жамияти Андижон ўқув ишлаб чиқариш корхонаси ҳамда Ўзбекистон карлар жамияти Андижон карлар ўқув ишлаб чиқариш корхонасида “3-декабрь-Халқаро ногиронлар куни” муносабати билан ишчи ходимлар билан учрашувлар ташкил этилди.
Учрашувларда ҳозирда Президентимиз ва ҳукуматимиз томонидан аҳолининг эҳтиёжманд қатламаларини ижтимоий ҳимоя қилиш борасидаги олиб борилаётган ишларга тўхталиб, бу борада касаба уюшмалари ташкилотларнинг фаол иштироки тўғрисида маълумотлар берилди.
