Ўзбекистон тадбиркорлик бизнес ва хизмат кўрсатиш сохалари ходимлари касаба уюшмаси Қорақалпоғистон Республикаси тармоқ тизимидаги корхона ва ташкилотларда «Ким Ватанга содиқ бўлса, мендурман ўша» шиори остида спорт тадбирлари ўтказилди.
2021 йил 14-январь куни Қорақалпоғистон Республикаси Тахиатош туман ободонлаштириш бошқармаси, Хўжали туман ободонлаштириш бошқармаси ва Шуманай туман ободонлаштириш бошқармаси ёш ишчи ходимлари орасида туман кенгашлари ташаббуси билан Ўзбекистон Республикаси Қуролли Кучлари ташкил этилганининг 29 йиллиги ҳамда 14 январь – Ватан ҳимоячилари куни муносабати билан соҳада фаолият юритувчи ишчи ходимларнинг бўш вақтларини мазмунли ўтказиш, жисмоний тарбия ва спорт турларига кенг жалб этиш, спортнинг оммавийлигини ошириб тарғибот-ташвиқот ишларини ташкиллаштириш, шунингдек ишчи ходимларнинг саломатлигини мустаҳкамлаш ҳамда туман биринчилиги бўйича ғолибларни аниқлаш мақсадида спортнинг мини футбол тури бўйича мусобақа ташкил этилди.
Спорт мусобақаларининг ғолиб ва иштирокчилари ташкилотчилар томонидан рағбатлантирилди.
