Жорий йил касаба уюшмаларида сарҳисоб йили. Бунда ўтган беш йиллик фаолиятга баҳо берилади. Ўтган давр мобайнида касаба уюшма қўмитаси томонидан қандай ишлар амалга оширилди, аъзолар манфаати қай даражада ҳимоя қилинди? Буларни барчаси ҳисобот даврида маълум бўлади.20 январь куни Ўзбекистон Тадбиркорлик, бизнес ва хизмат кўрсатиш соҳалари ходимлари касаба уюшмаси Тошкент шаҳар бирлашган қўмитаси томонидан тармоқ тизимида бўлган 100 га яқин бошланғич касаба уюшмалари ташкилотлари раисларига ҳисобот-сайловларни ўтказиш бўйича ўқув-семинар ташкил этилди.
Унда ҳисобот-сайлов конференсиясини олиб бориш, бошланғич касаба уюшма қўмитаси раиси ва таркибини сайлаш, шаҳар Конференсиясига делегатларни ҳамда тафтиш комиссияси раиси таркибини сайлашгача бўлган жараёнлар амалий тарзда кўрсатиб ўтилди.
