Бу йил касаба уюшмалари ҳаётида муҳим давр, яъни сўнгги 5 йиллик фаолият сарҳисоб қилинади. Барча бошланғич касаба уюшма ташкилотларида ҳисобот-сайлов конференциялари ўтказилиб, ишчи-ходимларга яратилган шарт-шароитлар таҳлил қилинади, фаолиятда эътибор қаратилиши лозим бўлган йўналишларга урғу берилади ва устувор вазифалар белгилаб олинади.Жорий йилнинг 11 февраль куни Андижон вилояти Андижон шаҳар “Ободонлаштириш бошқармаси” ҳамда Андижон шаҳар 5-сон политехникумида жамоа шартномасининг 2024 йил якунлари ҳамда бошланғич касаба уюшмаси ташкилотининг хисобот-сайлов конфренциялари ўтказилди. Конфренция ишида Ўзбекистон Тадбиркорлик, бизнес ва хизмат кўрсатиш соҳалари ходимлари касаба уюшмаси Республика Кенгаши раиси У.Мухамедов иштирок этди.
Конференция кун тартибига кўра, касаба уюшмаси қўмитаси раисларининг 2020 йилдан 2025 йил февраль ойига қадар олиб борган фаолияти якунлари тўғрисидаги ҳисоботлари, шунингдек, касаба уюшмаси фаолияти юзасидан тафтиш комиссиясининг ҳисоботлари тингланди ҳамда муҳокама қилинди. Муҳокамалардан сўнг, делегатлар томонидан бошланғич касаба уюшмаси қўмиталарига оид ҳисоботлар тасдиқланди ҳамда уларнинг фаолиятига тегишли баҳо берилди.
Конференциянинг иккинчи қисмида ваколат муддатининг тугаши муносабати билан бошланғич касаба уюшмаси қўмитаси раиси, таркиби, тафтиш комиссияси таркиби ва унинг раиси, шунингдек, юқори касаба уюшмаси органларига делегатлар сайланди.
