O‘zbekiston kasaba uyushmalarining 120 yilligi hamda 28-aprel – “Butunjahon mehnatni muhofaza qilish kuni” munosabati bilan Chirchiq shahrida “Ishlab chiqarishdagi baxtsiz hodisalarni oldini olish, innovatsion texnologiyalarni joriy qilish orqali mehnatni muhofaza qilish sharoitlarini yaxshilash” mavzusida amaliy seminar o‘tkazildi.

Seminarda O‘zbekiston ish beruvchilari Konfederatsiyasi ijrochi direktori Eka Sergeyevna Margishvili, O‘zbekiston kasaba uyushmalari Federatsiyasi Toshkent viloyati Kengashi raisi o‘rinbosari U.Rashidov, O‘zbekiston tadbirkorlik, biznes va xizmat ko‘rsatish sohalari xodimlari kasaba uyushmasi Respublika Kengashi Mehnat muhofazasi bo‘yicha bosh mutaxassisi M.Adilov va bosh yuriskonsult R. Xudoyberdiyev, Toshkent viloyati bandlik bosh boshqarmasi Davlat mehnat inspeksiyasi Mehnatni muhofaza qilish bo‘yicha davlat texnik inspektori M.Mirxomidov, «Modern Medicine Alliance» MCHJ rahbari o‘rinbosari S.Kadirov va boshqa mas’ullar ishtirok etishdi.

Seminar davomida tadbirkorlik, biznes va xizmat ko‘rsatish sohalarida mehnat muxofazasi bo‘yicha muammolar, ishlab chiqarishdagi baxtsiz hodisalar va ularni oldini olishda innovatsion texnologiyalarni joriy qilish, ish o‘rinlarini mehnat sharoitlari va asbob-uskunalarning jarohatlash xavfliligi yuzasidan attestatsiyadan o‘tkazish tartibi hamda O‘zbekiston Respublikasi Mehnat kodeksiga kiritilgan o‘zgartirishlar to‘g‘risida lektorlar tomonidan ma’ruza qilindi.