Жорий йилнинг 22-23 февраль кунлари Ўзбекистон истеъмол товарлари ишлаб чиқариш, савдо ва хизмат кўрсатиш ташкилотлари ходимлари касаба уюшмаси Қорақалпоғистон Республикаси, вилоятлар ва Тошкент шаҳрининг туман (шаҳар) кенгашлари тизимидаги бошланғич касаба уюшмаси ташкилотларида фаолият кўрсатаётган ходимларни спортнинг оммавий турларига кенг жалб этиш, улар ўртасида соғлом турмуш тарзини тарғиб қилиш мақсадида спортнинг шахмат, шашка, волейбол, бадминтон ва стол тенниси бўйича “Спорт – саломатлик гарови” шиори остида спартакиаданинг туман, шаҳар босқичи ўтказилди.

Муросасиз курашларга бой бўлган мусобақаларда фахрли биринчи ўринни эгаллаган ғолиблар ва жамоалар спартакиаданинг вилоят босқичида иштирок этиш учун йўлланмани қўлга киритдилар.