Истеъмол товарлари ишлаб чиқариш савдо ва хизмат кўрсатиш ташкилотлари ходимлари касаба уюшмаси шаҳар кенгаши ташаббуси билан 108 нафар бола тарбияланаётган Бухоро шаҳридаги Меҳрибонлик уйига ташриф буюрди. Президентимиз Шавкат Мирзиёевнинг Олий мажлис палаталари, сиёсий партиялар ҳамда Ўзбекистон Экологик ҳаракати вакиллари билан 2017 йил 12 июль куни ўтказган видеоселектор йиғилишидаги маърузасидан кейин меҳрибонлик уйидаги тарбияланаётган болалар билан дилдан суҳбатлашдилар. Болаларнинг бегонаси бўлмаганидек беғубор болаларга йиғилиш маърузасидан тушунтириб берилди. Уларга китоб ўқиб чуқур билим олиш ҳақида Истеъмол товарлари ишлаб чиқариш савдо ва хизмат кўрсатиш ташкилотлари ходимлари касаба уюшмаси шаҳар кенгаши раиси Н.Алимова тушунтирди. Шунда 13 ёшли тарбияланувчи Маҳлиё Пўлатова китобга қизиқиши ва “Ўзбек халқ эртаклари” китобини ўқишини айтди. Ҳар ой бир марта хабар олиб шу китоб билан таъминлашга ваъда берилди.
